Maserati ကုမ္ပဏီ ကတော့ သူတို့ရဲ့ နာမည်ကျော် Granturismo ကားသစ်ကို ၁၆ နှစ်အတွင်း ပထမဆုံး Update တစ်ခုအဖြစ် အဆင့်မြှင့်တင် ချပြလာခဲ့ပါတယ်။ အခု ချပြလာခဲ့တဲ့ ပုံရိပ်တွေအရတော့ ကားသစ်မှာ အရောင်စုံ ပါဝင်လာတာကို မြင်ထားရပြီး Blu Nobile ၊ Giallo Corse နဲ့ Rosso GranTurismo ဆိုပြီးအတော်လေးကို စုံလင် နေတာပါ။ ကားရဲ့ ဒီဇိုင်းပိုင်းကလည်း ယခင် Model အဟောင်းနဲ့ယှဉ်ရင် အပြောင်းအလဲလေးတွေ ရှိလာခဲ့ ပေမယ့် GranTurismo တစ်စီးရဲ့ မူလ အသွင်အပြင်ကိုတော့ ဆက်ထိန်း ပေးထားနိုင်ပါတယ်။ အခုကားသစ် ကိုတော့ အခုနှစ် နှောင်းပိုင်းလောက်မှာ စတင်ချပြလာလိမ့်မယ်လို့ ယူဆရပါတယ်။
Photo Credit: AllAutoExperts
အခု ကားသစ်မှာ နောက်တစ်ချက် ပြောင်းလဲ သွားတာကတော့ အင်ဂျင်ပိုင်းဖြစ်ပြီး အခုဆိုရင် MC 20 Supercar ရဲ့ Nettuno 3.0L Twin-Turbo V 6 အင်ဂျင်ကို Detuned ပြန်လုပ်ထားတဲ့ အင်ဂျင် ထည့်ပေးလာပါပြီ။ ဒါကြောင့် အခု အင်ဂျင် အသစ်အရ ကားရဲ့ စွမ်းဆောင်ရည်ပိုင်းဟာ 483 hp နဲ့ 443 lb-ft Torque အထိကို ရှိလာမှာဖြစ်ပြီး တကယ်လို့ ပိုကောင်းတဲ့ Trofeo Model မှာဆိုရင် 542 hp နဲ့ 479 lb-ft Torque အထိ ရှိလာလိမ့်မယ်လို့ သိရပါတယ်။
Photo Credit: AllAutoExperts
ဒါ့အပြင် Maserati တို့ ကတော့ Granturismo ရဲ့ လျှပ်စစ်သီးသန့် Folgore Version အသစ်ကိုလည်း ကြေငြာချပြ ခဲ့ပြီး အဆိုပါကားသစ်မှာတော့ လျှပ်စစ်မော်တာ ၃ လုံးအထိ ပါဝင်တာကြောင့် 751 hp နဲ့ 996 lb-ft Torque အထိကို ရှိနေမှာပါ။ အခု ကားသစ် ရဲ့ ဈေးကတော့ Modena Trim အတွက်ဆိုရင် $ 174,000 ရှိမှာဖြစ်ပြီး ပိုမြင့်တဲ့ Trofeo Model ဆိုရင်တော့ $ 205,000 အထိ ကျသင့်ပါလိမ့်မယ်။ ဥရောပ ဈေးကွက်ထဲမှာ ဆိုရင်တော့ $ 193,250 နဲ့ $ 241,243 အထိကို ကျသင့်မှာဖြစ်ပြီး လျှပ်စစ်ကားသစ် Folgore Version ရဲ့ ကား ဈေးနှုန်းကိုတော့ မသိရသေးတာ ကြောင့် ဆက်လက် စောင့်ကြည့်ရဦးမှာ ဖြစ်ပါတယ်။
Ref: AllAutoExperts
