2023 Tokyo Auto Show ကားပြပွဲကြီး အတွက် Subaru ကုမ္ပဏီကနေ Crosstrek ဆိုတဲ့ Crossover ကားသေး တစ်မျိုး နဲ့ REX Urban SUV Boost Gear ဆိုတဲ့ Concept ကားတစ်မျိုး ကိုချပြလာခဲ့ပါတယ်။ အဆိုပါ ကား ၂ မျိုးလုံး မှာ ထူးခြားတာကတော့ လမ်းကြမ်းပိုင်းအတွက် အတော်ကောင်းတဲ့ အဆင့်မြှင့်တင်မှုတွေ လုပ်ပေးလာတာပါပဲ။ Subar Crosstrek Boost Gear Concept မှာဆိုရင် လက်ရှိမျိုးဆက် Crosstrek ကိုပဲ အမျိုးမျိုးသော Accessories တွေ ထပ်ထည့်ကာ လမ်းကြမ်းပိုင်းအတွက် စွမ်းဆောင်ရည် ပိုမြင့်လာအောင် ရွေးချယ်လို့ ရလာတာပဲ ဖြစ်ပါတယ်။
ထပ်ထည့်လို့ရမယ့် အပိုင်းတွေထဲက အသိသာဆုံး တစ်မျိုးကတော့ တကယ့်အကြမ်းဆုံး လမ်းကြမ်းတွေမှာတောင် All-Wheel Drive နဲ့ တွဲဖက်ပြီး မြဲနေစေမယ့် Mud-Terrain Yokohama Geolander တာယာတွေပါပဲ။ ဒါ့အပြင် တရားဝင် ထုတ်ပြထားတဲ့ အခြားသော Accessories အစုံအလင်ကလည်း ကားကို တကယ့်ပုံစံ ပြောင်းစွမ်းဆောင်ရည် ကောင်း တစ်စီးအဖြစ်ပြောင်းသွား စေပါလိမ့်မယ်။ အဆိုပါ Accessories တွေထဲမှာ ဆိုရင်တော့ အင်ဂျင်စက်ဖုံး အပေါ်နဲ့ Grille ပေါ်က အနက်ရောင် စတစ်ကာ ၊ Fog Lights တွေ ဘေးနားက LED မီး အသစ်တွေလည်း ပါဝင်လာ ပါတယ်။ Boost Gear Concept မှာဆိုရင်တော့ အလူမီနီယံ Skidplate နဲ့ Fenders တွေ ၊ တံခါးပေါ်တွေက Protective Plastic Coating တွေ ၊ ဘေးဘက် Side Stairs တွေ၊ လမ်းကြမ်းစတိုင် Mudflaps ၊ Rhino အမိုးကိုင်း ကိုမှ LED Bar တွေနဲ့ အများကြီး ထပ်ပြင်ဆင် ထည့်ပေးလိုက်တာ ဖြစ်ပါတယ်။
အခု Concept ကားတွေ ရဲ့ အသေးစိတ် စက်ပိုင်းဆိုင်ရာ အချက်အလက် တွေကိုတော့ လျှို့ဝှက်ထားဆဲ ဖြစ်တာ ကြောင့် သာမန် e-Boxer Hybrid အမျိုးအစားကိုပဲ သုံးဖြစ်မလား ၊ ဒါမှမဟုတ် အင်ဂျင်အသစ်နဲ့ လာမလား ဆိုတာ ကတော့ အတည်ပြုရဦးမှာပါ။ လက်ရှိ Crosstrek နဲ့ ယှဉ်မယ် ဆိုရင်တော့ Rex Boost Gear Concept ကားမှာ သိပ်ပြီး များများစားစား ပြောင်းလဲလာဖို့ မရှိနေတာပဲ ဖြစ်ပါတယ်။ အဆိုပါ ကားမှာ အသစ်ပါလာ နိုင်တာတွေဆိုလို့ အနက်ရောင် Yokohama Geolander တာယာတွေ ၊ Mudflaps တွေ ၊ အလူမီနီယမ် သားနဲ့ Skid Plate တွေ ၊ Matte အရောင် ၊ Matte အသွင်အပြင်နဲ့ အနက်ရောင် အမိုးတို့အပြင် Blue Highlights လေးတွေ အနည်းငယ် ဖောက်ပေးထားတာတို့ ရှိလာမှာပါ။ Boost Gear Concept ကားရဲ့ အသေးစိတ် အချက်အလက် တွေကိုတော့ လာမယ့် 2023 Tokyo Auto Show ကား ပြပွဲကြီးမှာ စတင်ချပြလာပါလိမ့်မယ်။ အဆိုပါ ပွဲကြီးမှာတော့ Subaru အနေနဲ့ အခုကား ၂ စီး အပြင် STI က ထုတ်တဲ့ အစိတ်အပိုင်းတွေ ၊ သီးသန့် ထုတ်ပေးထားမယ့် Levorg STI Sport နဲ့ အတူ နောက်ထပ် ပြိုင်ကား ၃ မျိုး လောက်ကို ချပြလာဦးမယ်လို့ သိရပါတယ်။
Ref: AllAutoExperts