ဖလော်ရီဒါ အခြေစိုက် Apocalypse Manufacturing ကတော့ Dark Horse လို့ အမည်ပေးထားတဲ့ ပထမဆုံး Ford Bronco 6×6 ကားကို ဖန်တီးလိုက်ပြီး ဧပြီလ ၉ ရက်နေ့မှာတော့ ဖလော်ရီဒါပြည်နယ်၊ Palm Beach မှာ Barrett-Jackson က လေလံတင်ရောင်းချလာတော့မှာဖြစ်ပါတယ်။ Apocalypse Manufacturing ကတော့ 6×6 ကားတွေကို ဖန်တီးရာမှာ အထူးကျွမ်းကျင်ပြီး Bronco မတိုင်ခင်မှာလည်း Jeep Gladiator 6×6 နဲ့ Warlord လို့လူသိများတဲ့ Ram 1500 TRX 6×6 ကားတွေကို ဖန်တီးပြီး ရေပန်း စားခဲ့ပါတယ်။
Photo Credit: MotorAuthority
Dark Horse ကားကတော့ အပို ဝင်ရိုး နဲ့ ငါးပေရှည်တဲ့ Pickup Bed မပါခင်က တံခါးလေးပေါက် Bronco ကားတစ်စီးဖြစ်ပြီး Apocalypse ရဲ့ ဖန်တီးမှုအပြီးမှာတော့ Bronco ရဲ့ အရှည်ဟာ 189 လက်မကနေ 225 လက်မအထိ ပိုရှည်လာကာ အမိုးကိုတော့ ဖြုတ်နိုင်တပ်နိုင်တဲ့ ဖိုက်ဘာမှန်အမာနဲ့ အစားထိုးခဲ့ပါတယ်။ 2.7-Litre Turbocharged V-6 အင်ဂျင်နဲ့အတူ Software အသစ်တွေ၊ ပိုကြီးတဲ့ Injectors နဲ့ ပိုကောင်း အောင် ပြုပြင်ထားတဲ့ အိတ်ဇောစနစ်တို့ပါဝင်လာကာ မူလ 330 hp ကနေ 400 hp ခန့်အထိ စွမ်းဆောင် ရည် မြင့်မားလာတယ်လို့ Apocalypse က ဆိုထားပါတယ်။ Apocalypse ရဲ့ မူပိုင်ခွင့်ရ Apocal Middle Tandem Axle ကြောင့် ဘီး ၆ ဘီးစလုံးကို စွမ်းအင် ပို့ဆောင်ပေးမှာ ဖြစ်ကာ ၃၇ လက်မ တာယာဘီးတွေ တပ်ဆင်ပေးထားသလို ၄-လက်မ Suspension Lift လည်းပါရှိလာပါတယ်။
Photo Credit: MotorAuthority
Apocalypse က အတွင်းပိုင်းကို King Ranch Pattern လို့ခေါ်တဲ့ ခဲရောင်နဲ့ အနက်ရောင် ရေစိုခံ Marine-Grade Leather ကူရှင်တွေနဲ့ပြင်ဆင်ဖန်တီး ထားတာကြောင့် အမိုးနဲ့တံခါးတွေပိတ်ပြီး အချိန်အကြာကြီး မောင်းနှင်ရာမှာ အသုံးဝင်မှာဖြစ်တယ်လို့ ကုမ္ပဏီမှ မှတ်ချက်ပေးထားပါတယ်။ Broncos ရဲ့ စိတ်ကြိုက် ပြောင်းလဲမှုတွေ အပါအဝင် နောက်ထပ် Bronco 6×6 ကားတွေကို ဖန်တီးဖို့ ကုမ္ပဏီက စီစဉ်ထားပြီး တချို့ တည်ဆောက်မှုတွေမှာ 700-hp ထုတ်ပေးနိုင်တဲ့ Supercharged Coyote V-8 အင်ဂျင် ဒါမှမဟုတ် Kevlar-coated ဆေးချယ်မှုတွေလည်း ပါဝင်မှာဖြစ်လို့ စွမ်းဆောင်ရည် ပိုကောင်းလာမှာ ဖြစ်တယ်လို့ Apocalype ပိုင်ရှင် Joseph Ghattas ကဆိုထားတာပဲ ဖြစ်ပါတယ်။
Ref: MotorAuthority
