Volkswagen ကတော့ Amarok ကားသစ်ကို ပြီးခဲ့တဲ့လပိုင်း ကတည်းကချပြခဲ့ပြီးဖြစ်ကာ Tuners တွေကလည်း စိတ်ဝင်စားဖို့ကောင်းတဲ့ ဒီကားအတွက် ပြင်ဆင်မှုတွေ ဆက်လုပ်နေကြပါပြီ။ VW ရဲ့ အဆိုပါကား Lineup ထဲကအမြင့်ဆုံး PanAmericana Trim Level ထက် ပိုကြမ်းပိုမြင့်တာကိုမှ လိုချင်ကြသူတွေအတွက် အခုဆိုရင် ဂျာမနီရဲ့ လမ်းကြမ်းပိုင်း Tuning Specialist Delta 4×4 က Package အသစ် ဖန်တီးပေး လာပါပြီ။ အဆိုပါ Pack အသစ်ကိုတော့ လောလောဆယ်မှာ Beast လို့ပဲ အမည်ဝှက် ပေးထားပြီး ဖန်တီးနေဆဲလို့ သိရပါတယ်။ ပြန်လည် Tuning လုပ်ထားတဲ့ Setup ထဲမှာတော့ သာမန်ထက် ၆ လက်မလောက် ပိုမြင့်သွားတဲ့ Suspension ကို ထည့်ပေးထားပြီး All-Terrain လုပ်ဆောင်ချက်တွေလည်း ပါဝင်လာမှာပါ။ Delta 4×4 ကားကတော့ Beadlock ဘီးတွေအပြင် တာယာ အကြမ်းစားတွေ ၊ Fender Flares အကြီး စားတွေကိုလည်း အခုကားမှာ ထည့်ပေးလာမှာ ဖြစ်တာကြောင့် ဘယ်လိုလမ်းကြမ်းမဆို မောင်းနိုင်မယ့် ကားသစ်အကြီးကြီး တစ်မျိုးအဖြစ် မြင်ရမှာပါ။
2023 Amarok အနေနဲ့ကတော့ အမိုးပေါ်မှာလည်း LED Bar ကို ထပ်ထည့်ပေးထားပြီး အရှေ့ဘက် Full Bar မှာ မီးအားပိုကောင်းမယ့်မီးလုံးတွေလည်း ပိုပါဝင်လာတာဖြစ်ပါတယ်။ အခု Tuning ပိုင်းတွေအတွက် PIAA Tuning ကလည်း မီးအပိုတွေ ထပ်ထည့်ပေးဦးမှာဖြစ်ပြီး ၊ Horntools တွေကိုလည်း လိုက်ဖက်အောင် ထည့်ပေးထားဦးမှာ ပါ။ အဆင့်မြှင့်တင်ပေးထားတဲ့ အမိုးကိုင်းသစ်တွေအပြင် Delta 4×4 ဆိုတဲ့ တံဆိပ်တွေကိုလည်း အရှေ့အနောက် မှာ ထည့်ပေးထားပါတယ်။ ကားနောက်တွဲ ဘေးဘက်မှာလည်း Beast ဆိုတဲ့ အနီရောင် နာမည်ကပ်လေးတွေ ကိုလည်း ထည့်ပေးထားဖို့ ရှိနေပါတယ်။ နောက်ထပ် စက်ပိုင်း အသေးစိတ် အချက်အလက်တွေကိုတော့ မသိ ရသေးပေမယ့် ဒီဂျစ်တယ် ပုံကြမ်းအရဆိုရင် V6 Six-Cylinder Engine ကို သုံးထားနိုင်ပါတယ်။ Ten-Speed Automatic Transmission ဂီယာကိုလည်း ယခင် 2023 Ford Ranger တုန်းက အတိုင်း တွဲဖက်သုံးထားနိုင်တာ ကြောင့် 238 hp တဲ့ 247 hp စွမ်းဆောင်ရည်တွေအကြား လောက်အထိ ဖြစ်လာနိုင်ပါတယ်။
မူလ Amarok ကားတွေကိုတော့ ပြီးခဲ့တဲ့ ဇူလိုင်လမှာ စတင် မိတ်ဆက်ပေးပြီးကတည်းက စက်တင်ဘာ လက စလို့ တောင်အာဖရိက၊ Pretroia က Ford စက်ရုံမှာ စတင်ထုတ်လုပ်နေပြီ ဖြစ်ပါတယ်။ အဆိုပါ စက်ရုံမှာတော့ Amarok ၊ Life ၊ Style ၊ Pan Americana နဲ့ Aventura တို့ဆိုတဲ့ Trim Level ၅ မျိုး စလုံးကိုတပ်ဆင် ထုတ်လုပ်ပေးနေတာ ဖြစ်ပါတယ်။ ယခင် Ranger နဲ့ မတူတာကတော့ VW ရဲ့ Amarok ကားမှာ Ladder-Frame SUV နဲ့ မဟုတ်လာတာ ပါပဲ။ ဒါ့အပြင် ၂၀၁၀ ကတည်းက စတင်ထွက်ရှိခဲ့တဲ့ မူလ VW Amarok ကားတွေကို လက်ရှိအချိန်အထိ အာဂျင်တီးနားနိုင်ငံ၊ Pacheco မှာ ဆက်လက် ထုတ်လုပ် နေဆဲဖြစ်ကာ တောင်အမေရိက ဈေးကွက်အတွက် အဓိက ဖြစ်တယ်လို့ သိရပါတယ်။
Ref: motor 1.com