Mazda 3 ကားရဲ့ တစ်နှစ်လောက်ကြာ သက်တမ်းအပြီးမှာတော့ ကားစီးနင်းသူ အတော်များများ ကလည်း Volvo ဒါမှမဟုတ် Audi တို့လို စွမ်းဆောင်ရည်မျိုးတွေနဲ့ ပိုပြီး မောင်းကောင်းတဲ့ Mazda 3 ကားသစ်တွေ အဖြစ် ပြောင်းလဲလာဖို့ကို အတော်လေး မျက်စိကျ နေခဲ့ကြပါတယ်။ အခုဆိုရင် တော့လည်း မျှော်လင့်နေကြတဲ့ 2023 Mazda 3 ကားသစ်တွေ ရောက်လာခဲ့ပြီဖြစ်ပြီး ဈေးလည်း ပိုကြီးလာတယ် ဆိုပေမယ့် အတော်လေး ကောင်းလာတဲ့ စွမ်းအင်ချွေတာနှုန်း ၊ စက်ပိုင်းဆိုင်ရာ စွမ်းဆောင်ရည် အလန်းစားတို့အပြင် Base Trim Level အသစ် ကားတွေပါ ပါလာခဲ့ပြီ ဖြစ်ပါတယ်။ ယခင် Base Model တွေကိုတော့ 2.0 Liter Engine နဲ့ ပွဲထွက်လာ ခဲ့ပြီး 155 hp နဲ့ 150 lb-ft Torque အထိ စွမ်းဆောင်လာ နိုင်ကာ Front-Wheel Drive ဒါမှမဟုတ် All-Wheel Drive စနစ်တွေ ကိုမှ Automatic Gear နဲ့ ရွေးချယ် ဝယ်ယူနိုင်တာပဲ ဖြစ်ပါတယ်။ အခုဆိုရင် Base Model အတွက်ကိုပဲ အဆိုပါ အင်ဂျင်ကို ဖယ်ထုတ်လိုက်ပြီ ဖြစ်ပြီး 2023 Model အသစ်တွေအတွက် ပိုကောင်းတဲ့ Naturally-Aspirated 2.5 Liter Skyactiv-G အင်ဂျင် အစားထိုး သုံးပေးထားတာကြောင့် စွမ်းဆောင်ရည်က 191 hp နဲ့ 186 lb-ft Torque အထိကို တိုးတက်လာတော့မှာပဲ ဖြစ်ပါတယ်။
Base Model အသစ် အပါအဝင် Mazda 3 Trim Level ကားတွေ အကုန်လုံးမှာ ပါဝင်လာမှာ ကတော့ Mazda ရဲ့ G-Vectoring Control Plus စနစ်ပဲ ဖြစ်ပါတယ်။ ဒါ့အပြင် ရေဒါနဲ့ Cruise Control လုပ်နိုင်မယ့် စနစ် ၊ Lane Departure Warning စနစ် ၊ Lane-Keep Assist ၊ Driver Attention စနစ်နဲ့ High Beam Assist စနစ်တွေ အစုံပါဝင်တဲ့ i-Activsense လုံခြုံရေးစနစ် တစ်ခုလုံး ကိုလည်း ကားတွေမှာ ထည့်ပေး ထား ဦးမှာပါ။ ဒါတင်မကသေးပဲ Mazda ရဲ့ ချိတ်ဆက် ထားတဲ့ ဝန်ဆောင်မှုတွေကို ၃ နှစ် သုံးစွဲခွင့်အပြင် ကားအတွင်း Wifi အသုံးပြုဖို့ အတွက် ၃ လ အစမ်းတွေကိုလည်း ခွင့်ပြု ပေးထားပါသေးတယ်။ Lineup တစ်ခုလုံးမှာ နောက်ထပ် Standard အနေနဲ့ ပါဝင်လာတာကတော့ ၈.၈ လက်မ အရွယ် Infotainment Display ၊ Push Button ခလုတ် ၊ သော့မလိုတဲ့ စနစ်တို့အပြင် ၊ Rearview Camera ၊ Bluetooth စနစ် ၊ မိုးရွာတာနဲ့ အလိုအလျောက် ပွင့်မယ့် Wipers တွေ ၊ အနက်ရောင် ထိုင်ခုံတွေ ၊ USB အပေါက် ၂ ပေါက် ၊ စပီကာ ၈ လုံးပါ အသံ စနစ် ၊ အလိုအလျောက် LED Lights စနစ်တွေအပြင် Base Trim Model မှာဆိုရင် ၁၆ လက်မ အရွယ် Aluminum Alloy ဘီးတွေပဲ ဖြစ်ပါတယ်။
အင်ဂျင်ပိုင်း ပြောင်းလဲပေးလိုက်တာကလည်း ကားရဲ့ စွမ်းဆောင်ရည်ပိုင်းကိုတင် ပိုကောင်းသွား စေတာ မဟုတ်ပဲ ကားရဲ့ စွမ်းအင်ချွေတာနှုန်းကိုလည်း ပိုမို တိုးတက်စေတာပဲ ဖြစ်ပါတယ်။ Mazda ကတော့ သူတို့ရဲ့ Cylinder Deactivation နည်းပညာသစ်ကြောင့် တစ်ချို့သော အခြေအနေတွေမှာ အတော်လေးကို ပုံမှန်ထက် ပိုစွမ်းအင်ချွေတာနိုင်မှာ ဖြစ်တယ်လို့ ဆိုထားပါတယ်။ ဒါ့အပြင် Naturally-Aspirated 2.5 Liter I4 Engine ကြောင့်ကိုလည်း မြို့တွင်း မောင်းမယ်ဆိုရင် တစ်ဂါလံ ကို ၂၈ မိုင် ၊ အဝေးပြေးအတွက် ၃၇ မိုင်နဲ့ ၂ မျိုးပေါင်း ၃၁ မိုင်စာ အထိ ရမှာပဲ ဖြစ်ပါတယ်။ ပိုပြီး စွမ်းဆောင်ရည်မြင့်မားတဲ့ Turbo Version အသစ် ကားမှာ ဆိုရင်တော့ EPA စံနှုန်းတွေအရ ဆီ တစ်ဂါလံကို မြို့တွင်း ၂၃ မိုင် ၊ အဝေးပြေး ၃၁ မိုင်နဲ့ ၂ မျိုးပေါင်း ၂၆ မိုင် အထိကို ရှိမှာပါ။ Base Model ကတော့ ယခင် 2.0 Liter Engine အစား 2.5 Liter ပါဝင်လာ တာကြောင့် ပိုမြင့်တဲ့ ဈေးတော့ ဖြစ်လာခဲ့ပြီး $ 450 လောက် ဈေးတက်လာခဲ့တာပါ။ ဒါကြောင့် Base Model FWD Sedan အတွက် ဆိုရင် $ 23,615 ကျသင့်ပြီး Select Package Model ဆိုရင်တော့ $ 500 ပို ဈေးတက်လာကာ Preferred နဲ့ Carbon Edition Package တွေဆိုရင်လည်း $ 450 လောက်အထိ ဈေးတက်လာ ဦးမှာဖြစ်ပါတယ်။ Lineup ထဲမှာမှ Premium Model ဆိုရင် $ 1,700 အထိ ဈေးတက်လာခဲ့ပြီး 2.5 Liter Premium Plus Model ကလည်း $ 550 အထိ ဈေးတက်လာ ခဲ့တာကြောင့် ဘာမှမရွေးရ သေးခင် $ 35,065 ခန့် ကျသင့်နေတော့မှာပါ။ Hatchback Model ဆိုရင်တော့ $ 1,000 လောက် ဈေးပို များလာခဲ့ပြီး Manual Gear Trim ပဲရနိုင်မယ့် 2.5 S Premium Package Hatchback ကား ဆိုရင်တော့ $ 550 လောက် အထိ ဈေးတက်လာခဲ့တာကြောင့် $ 30,215 ဈေးရှိလာပါပြီ။ အဆိုပါ Hatchback ကားအသစ်ကိုတော့ အခုလာမယ့် ဆောင်းဦးမှာ စတင် ချပြလာတော့မှာ ဖြစ်ပြီး Sedan ကားအသစ် တွေကိုတော့ ဆောင်းတွင်းမှာ စတင် ရောင်းချတော့မှာ ဖြစ်ပါတယ်။
Ref: MotorTrend