တရုတ်နိုင်ငံမှာ ကျင်းပခဲ့တဲ့ 2022 Guangzhou Auto Show မှာတော့ Hycan ကုမ္ပဏီက သူ့ရဲ့ ပထမဆုံး MPV ကားဖြစ်တဲ့ V09 လျှပ်စစ်စွမ်းအင်သီးသန့်သုံးကားကို ထုတ်ဖော်ပြသလာခဲ့ပါတယ်။ အဆိုပါ ကားကိုတော့ Hycan ရဲ့ H-GEA Platform အပေါ် အခြေခံ ဖန်တီးထားတာဖြစ်ပြီး ကိုယ်ထည်ဒီဇိုင်း၊ Chassis နဲ့ Battery Pack တွေကို အဆင့်မြှင့်စတီး ၆၅ ရာခိုင်နှုန်းနဲ့ Hot-Formed စတီး ၂၀ ရာခိုင်နှုန်း ပေါင်းစပ်ဖန်တီးထားတာပါ။ ကားရဲ့အရွယ်အစားနဲ့ပတ်သက်ပြီး Hycan ကအတိအကျပြောကြားထားခြင်းမရှိသေးပေမယ့် Five-Spoke ဘီးတွေနဲ့ ဆလိုက်တံခါးတွေပါဝင်လာတာ တွေ့ရပါတယ်။ အရှေ့ဖက် ကတော့ Sci-Fi စတိုင်ထူးခြားစွာ ဖန်တီးထားပြီး Tear-Eye Headlights တွေနဲ့ LED Daytime Running Lights တွေတစ်ဖက်တစ်ချက်စီပါဝင်လာပါတယ်။ Hycan ရဲ့ Brand Logo ကိုတော့ အရှေ့ဖက် အပိတ် Grille ရဲ့ အလယ်မှာခန့်ထည်စွာ ထည့်သွင်းပေးထားတာဖြစ်ပါတယ်။
Photo Credit: CarNewsChina
V09 ကားမှာတော့ 37 Level 2+ Driving Assistance Functions တွေအတွက် ဆင်ဆာပေါင်း ၂၄ ခုပါဝင်လာပြီး 130-Line လေဆာရေဒါ တစ်ခု၊ 8MP အရှေ့ဖက် မြင်ကွင်းကျယ် ကင်မရာတစ်ခု၊ အနောက် ဖက် မြင်ကွင်းအတွက် 2MP ကင်မရာတစ်ခုနဲ့ Surround-View အတွက် 3MP Ultra-Clear Fisheye ကင်မရာတွေပါဝင်လာတဲ့အပြင် Five Milllimeter-Wave ရေဒါတွေနဲ့ 12 AK2 Ultrasonic ရေဒါတွေ လည်း ပါဝင်လာပါသေးတယ်။ Hycan ရဲ့အဆိုအရတော့ ကားရဲ့ ဆင်ဆာတွေက လမ်းသွားလမ်းလာတွေကို ကီလိုမီတာ ၁၀၀ အကွာအဝေးကနေ ခံစားသိရှိနိုင်စေမယ့် အပြင် ယာဉ်တွေကိုတော့ မီတာ ၂၅၀ အကွာအဝေးအထိ ခံစားသိရှိနိုင်စေလိမ့်မယ်လို့ သိရပါတယ်။
Hycan V09 ကားမှာတော့ Dual Qualcomm Snapdragon 8155 Chips တပ်ဆင်ပေးထားတာကြောင့် အရှေ့နဲ့ အနောက် ခန်းအတွင်းက Screen တွေအကြားချိတ်ဆက်ဆောင်ရွက်မှုကို သိရှိနိုင်စေအုံးမှာပါ။ စွမ်းဆောင်ရည်ပိုင်းအရတော့ 800-V High-Voltage System တပ်ဆင်ပေးထားကာ ၅ မိနစ်အားသွင်းရုံနဲ့ ကီလိုမီတာ ၂၀၀ အထိ မောင်းနှင်နိုင်စေမယ့် 380 kW Super Fast Charging စနစ်ကိုလည်း တပ်ဆင် ပေးထားတာ ဖြစ်ပါတယ်။ ဒါ့အပြင် Battery Pack ရဲ့ စွမ်းအင်သိပ်သည်းမှုက 257 Wh/kg အထိ ရှိတာကြောင့် ၇၅၀ ကီလိုမီတာ အကွာအဝေးထိ မောင်းနှင်နိုင်မှာပဲ ဖြစ်ပါတယ်။
Ref: CarNewsChina
